.png)
ಈ ಸ್ವರೈಲ್ ಆಪ್ ಅನ್ನು ಗೂಗಲ್ ಪ್ಲೇ ಸ್ಟೋರ್ (Google Play Store) ಮತ್ತು ಆಪಲ್ ಆಪ್ ಸ್ಟೋರ್ ನಿಂದ ಡೌನ್‌ಲೋಡ್ ಮಾಡಿಕೊಳ್ಳಬಹುದು. ಪ್ರಸ್ತುತ ಬೀಟಾ ಆವೃತ್ತಿ ಇದ್ದರೂ, ಇದರಲ್ಲಿ IRCTC ಖಾತೆಯೊಂದಿಗೆ ಲಾಗಿನ್ ಆಗಬಹುದು ಅಥವಾ ಹೊಸ ಖಾತೆಯನ್ನು ರಚಿಸಬಹುದು. ಇತರ ರೈಲ್ವೆ ಆಪ್‌ಗಳಂತಲ್ಲದೆ, ಈ ಹೊಸ ಸ್ವರೈಲ್ ಆಪ್ ಅನ್ನು ಆಧುನಿಕ ಇಂಟರ್ಫೇಸ್ ನೊಂದಿಗೆ ವಿನ್ಯಾಸಗೊಳಿಸಲಾಗಿದೆ. ಸರಳ ಹಂತಗಳಲ್ಲಿ ರೈಲು ಟಿಕೆಟ್ ಬುಕ್ ಮಾಡಬಹುದು. ಫೇಸ್ ಐಡಿ (ಐಫೋನ್) ಅಥವಾ ಫಿಂಗರ್‌ಪ್ರಿಂಟ್ ಸ್ಕ್ಯಾನಿಂಗ್ (Android) ಮೂಲಕ ಸುರಕ್ಷಿತವಾಗಿ ಲಾಗಿನ್ ಆಗಬಹುದು. ಈ ಆಪ್ ಹಿಂದಿ, ಇಂಗ್ಲಿಷ್ ಸಹಿತ ಹಲವು ಭಾಷೆಗಳಲ್ಲಿ ಲಭ್ಯವಿದೆ.
ಸ್ವರೈಲ್ ಆಪ್ ನೀಡುವ ಸೇವೆಗಳು:
ಟಿಕೆಟ್ ಬುಕಿಂಗ್: ರಿಜರ್ವ್ ಮತ್ತು ಅನ್‌ರಿಜರ್ವ್ ಟಿಕೆಟ್‌ಗಳನ್ನು (ಪ್ಲಾಟ್‌ಫಾರ್ಮ್ ಟಿಕೆಟ್‌ಗಳು ಸೇರಿದಂತೆ) ಬುಕ್ ಮಾಡಬಹುದು.
PNR & ರೈಲು ಸ್ಥಿತಿ ಟ್ರ್ಯಾಕಿಂಗ್: ರೈಲು ವೇಳಾಪಟ್ಟಿ, ತಡವಾಗುವಿಕೆ, ಪ್ಲಾಟ್‌ಫಾರ್ಮ್ ಸಂಖ್ಯೆಗಳ ಬಗ್ಗೆ ರಿಯಲ್-ಟೈಮ್ ಅಪ್‌ಡೇಟ್‌ಗಳು ಪಡೆಯಬಹುದು.
ಫುಡ್ ಆರ್ಡರ್: ರೈಲಿನಲ್ಲಿ ಪ್ರಯಾಣಿಸುವಾಗ ಆನ್‌ಲೈನ್‌ನಲ್ಲಿ ಆಹಾರವನ್ನು ಆರ್ಡರ್ ಮಾಡಬಹುದು.
ದೂರು ನಿರ್ವಹಣೆ: ರೈಲು ಪ್ರಯಾಣದ ಸಮಸ್ಯೆಗಳನ್ನು ಉನ್ನತಾಧಿಕಾರಿಗಳಿಗೆ ದೂರು ನೀಡಬಹುದು ಮತ್ತು ಪರಿಹಾರವನ್ನು ಟ್ರ್ಯಾಕ್ ಮಾಡಬಹುದು.
ಪಾರ್ಸೆಲ್ & ಫ್ರೈಟ್ ವಿಚಾರಣೆ: ಸರಕು ಸಾಗಾಣಿಕೆ, ಟ್ರ್ಯಾಕಿಂಗ್ ಮತ್ತು ಖರ್ಚು ಲೆಕ್ಕಾಚಾರ ಮಾಡಬಹುದು.
ರೀಫಂಡ್ ವಿನಂತಿ ಸಹ ಸುಲಭ:
ಕೋಚ್ ಪೋಜಿಷನ್ ಫೈಂಡರ್: ರೈಲು ನಿಲ್ಲುವ ಸ್ಥಳದಲ್ಲಿ ನಿಮ್ಮ ಕೋಚ್ ಎಲ್ಲಿದೆ ಎಂಬುದನ್ನು ನಿಖರವಾಗಿ ತಿಳಿಯಬಹುದು.
ರೀಫಂಡ್ ರಿಕ್ವೆಸ್ಟ್: ಟಿಕೆಟ್ ರದ್ದತಿ ಮಾಡಿದಾಗ, ಹಣವನ್ನು ಸುಲಭವಾಗಿ ಹಿಂದಿರುಗಿಸಿಕೊಳ್ಳಬಹುದು.
ಆರ್-ವಾಲೆಟ್ ಸೇರ್ಪಡೆ: ಟಿಕೆಟ್, ಆಹಾರ ಮತ್ತು ಇತರ ಸೇವೆಗಳಿಗೆ ನಗದುರಹಿತ ಪಾವತಿ ಮಾಡಬಹುದು.
ನನ್ನ ಬುಕಿಂಗ್‌ಗಳು: ಆಗಾಗ ರೈಲು ಪ್ರಯಾಣ ಮಾಡುವವರಿಗಾಗಿ 'ನನ್ನ ಬುಕಿಂಗ್‌ಗಳು' ವಿಭಾಗವನ್ನು ಸೇರಿಸಲಾಗಿದೆ.
ಟಿಕೆಟ್ ಬುಕಿಂಗ್ ಸುಲಭ:
ಇದು IRCTC ವೆಬ್‌ಸೈಟ್ ರೀತಿಯಲ್ಲೇ ಕಾರ್ಯನಿರ್ವಹಿಸುತ್ತದೆ. ಸ್ವರೈಲ್ ಆಪ್ ಮೂಲಕ ರಿಜರ್ವೇಶನ್ ಟಿಕೆಟ್‌ಗಳು, ಜನರಲ್ ಟಿಕೆಟ್‌ಗಳು ಮತ್ತು ಪ್ಲಾಟ್‌ಫಾರ್ಮ್ ಟಿಕೆಟ್‌ಗಳನ್ನು ಬುಕ್ ಮಾಡಬಹುದು. ನೀವು ಬಯಸಿದ ರೈಲು, ದಿನಾಂಕ ಮತ್ತು ವರ್ಗ ಆಯ್ಕೆಮಾಡಿದ ನಂತರ, ಲಭ್ಯವಿರುವ ರೈಲುಗಳ ಪಟ್ಟಿಯನ್ನು ನೋಡಬಹುದು ಮತ್ತು ಸುಲಭವಾಗಿ ಟಿಕೆಟ್ ಪಡೆಯಬಹುದು.